Main Menu

வரலாற்றில் சிறந்த ஜனாதிபதியைப் பெற்றுள்ளோம் – அஹமட் புர்ஹான்

பாறுக் ஷிஹான்
வரலாற்றில் என்றுமில்லாத சிறந்ததொரு ஜனாதிபதியை நாங்கள் பெற்றிருக்கின்றோம். எனவே, எதிர்வருகின்ற காலங்களில் மூன்றிலிரண்டு பெரும்பான்மைப் பலத்தோடு நாங்கள் ஆட்சி அமைப்போம் என்ற அந்த செய்தியைக் கூறுவதில் நான் மிகவும் பெருமையடைகின்றேன் என ஸ்ரீ லங்கா பொதுஜன பெரமுனவின் கல்முனை முக்கியஸ்தர் அஹமட் புர்ஹான் தெரிவித்தார்.

புதிய ஜனாதிபதியின் அபிவிருத்தித் திட்டங்கள் மற்றும் எதிர்வரும் பாராளுமன்றத்தேர்தல் தொடர்பாக கல்முனையில் அமைந்துள்ள அவரது அலுவலகத்தில் புதன்கிழமை (12) நடாத்திய ஊடக சந்திப்பில் மேற்கண்டவாறு கூறினார்.

மேலும் தனது கருத்தில்,

வரலாற்றில் என்றுமில்லாத சிறந்ததொரு ஜனாதிபதியை நாங்கள் பெற்றிருக்கின்றோம். கடந்த காலங்களில் நாட்டிலேயே குழப்பவாதிகளாலும் ஆர்ப்பாட்டகாரர்களாலும் பல பாரிய போராட்டங்கள் இடம்பெற்றன.

அந்தப்போராட்டங்களுக்கெல்லாம் முற்றுப்புள்ளி வைக்கமுகமாக ஜனாதிபதி உட்கட்டமைப்பு வசதிகளைச் செய்து கொடுப்பதற்காக கிராமிய மட்டத்தில் அபிவிருத்தி செய்வதற்காக சுப்பிரி கம திட்டத்தை அறிமுகப்படுத்தியிருந்தார். ஒவ்வொரு கிராம சேவகர் பிரிவுகளும் தலா 20 இலட்சம் ரூபாய் நிதியொதுக்கீடு செய்து அங்குள்ள வேலைத்திட்டங்களைச் செய்வதற்காக அவர் ஒரு சிறந்த திட்டத்தை முன்வைத்திருந்தார் .

க.பொ.த சாதாரண தர உயர்தரப் பரீட்சைகளிலே குறைந்த பெறுபேறுகளைப் பெற்ற மாணவர்களுக்கான ஒரு சிறந்த தொழில் வழிகாட்டியொன்றை ஏற்படுத்துவதற்காக ஒரு இலட்சம் பேருக்கான வேலைவாய்ப்புகளை அறிமுகப்படுத்தியிருக்கிறார்.

இது உண்மையிலேயே கடந்த காலங்களில் இருந்த ஜனாதிபதிகளுடைய சிந்தனைகளுக்கு முற்றிலும் வேறுபட்ட ஒரு புதுவிதமான சிந்தனையாக நாங்கள் பார்க்கின்றோம்.

அதுமாத்திரமல்ல, வறிய குடும்பங்களுக்கான ஒரு உண்மையான சிறந்ததாக இதை நாங்கள் காணக்கூடியதாக இருக்கிறது. கடந்த காலங்களிலே பல்கலைக்கழக மாணவர்கள் கறுப்புக்கொடிப் போராட்டம் இன்று நாடு தழுவிய ரீதியில் மாதக்கணக்கில் அவர்கள் வீதிகளிலும் பாதையோரங்களிலும் அவர்கள் முகாமிட்டு எந்தவிதமான உத்தரவாதமும் இல்லாமல் அவர்கள் காலாகாலமாக கடந்த காலங்களில் ஏமாற்றப்படுகிறார்கள்.

மாத்திரமல்ல இதுவரைக்கும் எந்தவிதமான உத்தரவாதமும் வழங்கப்படாத நிலையில், அவர்கள் தொடர்ந்து அவருடைய தொழில்வாய்ப்புக்காக பட்டதாரிகள் போராடிக்கொண்டிருக்கிறார்கள். 50ஆயிரத்துக்கும் மேற்பட்ட வேலைவாய்ப்பினை வழங்குவதற்கு தற்போது அறிவித்திருக்கிறார்.

மேலும், உண்மையிலேயே எங்களுடைய சிறுபான்மை சமூகம் வாக்களிக்காத நிலையில், பெரும்பாலான மக்கள் தமது தரப்பினருக்கு ஆதரவளித்துக் கூட அதை அவர்கள் எல்லா மக்களுக்குமான ஜனாதிபதி தான் என்கின்ற நிலைப்பாட்டிலேயே ஜனாதிபதி கோட்டாபய ராஜபக்ஷ தொடர்ந்து செயலாற்றி சகல மக்கள் சமூக மக்களின் கவனத்தை ஈர்த்ததுள்ளார்.

எனவே, அவ்வாறானதொரு வரலாற்று சிறப்புமிக்க செயற்திறன் மிக்க ஒரு ஜனாதிபதியை இலங்கை திருநாடு பெற்றிருக்கின்றது என்ற அடிப்படையில், தொடர்ந்தும் அவருடைய சேவை எங்களுடைய நாட்டுக்குத் தேவை என்கின்ற அடிப்படையில் மக்கள் அவருடைய கரங்களைப் பலப்படுத்துவதற்காக எதிர்வருகின்ற பொதுத் தேர்தலை எதிர் நோக்கி இருக்கின்றார்கள்.

எதிர்வரும் காலங்களில் நிச்சயமாக மூன்றிலிரண்டு பெரும்பான்மையுடன் அரசாங்கமொன்றை அமைப்பதற்கான சகல செல்வாக்குடன் மக்கள் ஆணையைப் பெறுவதற்கான சகல வேலைத் திட்டங்களும் எங்களுடைய ஸ்ரீலங்கா பொதுஜன பெரமுன தொடர்ந்தும் நாட்டு மக்களுடைய நலன் கருதி சேவையாற்றுவதற்குத் தயாராக இருக்கின்றது.

அந்த அடிப்படையில், எதிர் வருகின்ற காலங்களில் நாங்கள் மூன்றிலிரண்டு பெரும்பான்மை பலத்தோடு நாங்கள் ஆட்சியமைப்போம் என்ற அந்த செய்தியைக் கூறுவதில் நான் மிகவும் பெருமையடைகின்றேன்.

அம்பாறை மாவட்டத்தைப்பொறுத்த வரையிலே அம்பாறை மாவட்டத்திலேயே கடந்த ஜனாதிபதித்  தேர்தலில் அவர்களுடைய பெறுபேறுகளின் அடிப்படையிலே மிகப்பெரிய பாரிய வித்தியாசமொன்றை நாங்கள் எதிர்வருகின்ற தேர்தலில் எதிர்பார்க்கின்றோம்.

ஏனென்றால், கடந்த ஜனாதிபதித்தேர்தலில் கோட்டபாய ராஜபக்ஷ பெருவாரியான வெற்றியடைவார் என்று நாங்கள் மக்கள் மன்றத்திலே பல மேடைகளிலே பல பிரசார நிகழ்வுகளில் நாங்கள் கூறியிருந்த போதிலும், குறிப்பாக, எங்களுடைய தமிழ், முஸ்லிம் சமூகம் வாக்களிப்பதில் கோட்டபாய ராஜபக்ஷ அவர்களை தெரிவு செய்வதில் சற்று பின்வாங்கி இருந்தார்கள் இருந்தாலும், நாட்டிலேயே இப்பொழுது 14 இலட்சத்திற்கும் அதிகமான வாக்குகளைப் பெற்று ஜனாதிபதியாக இன்று நாட்டை ஆட்சி செய்து கொண்டிருக்கின்றார்.

ஆளும் அரசாங்கத்தினுடைய கரங்களைப் பலப்படுத்தி எங்களுடைய சமூகத்தினுடைய இருப்பு, அபிலாசைகள், பாதுகாப்பு என்பவற்றை உறுதி செய்ய ஸ்ரீலங்கா பொதுஜன பெரமுன சார்பிலே அம்பாரை மாவட்டத்தில் போட்டியிடுகின்ற வேட்பாளர்கள் இம்முறை சிறுபான்மைச் சமூகம் குறிப்பாக, அம்பாரை மாவட்டத்திலே வாழ்கின்ற தமிழ், முஸ்லிம் சமூகம் பாராளுமன்றத்திற்கு அனுப்பி வைக்க வேண்டும் என்கின்ற ஒரு நிலைப்பாட்டை சிறுபான்மை சமூகம் புரிந்து கொள்ள வேண்டும் .

கடந்த ஜனாதிபதித்தேர்தலில் குறிப்பாக, வட கிழக்கு மாகாணத்தில் வாழ்கின்ற தமிழ், முஸ்லிம் மக்களுடைய அரசியல் எண்ணப்பாடுகள் சமூகம் சார்ந்ததாக இனத்துவ ரீதியான அரசியல் கட்சி தலைவர்களுடைய பிரசாரம் சார்ந்ததாகத்தான் அமைந்து தவிர, பொதுவாக நாட்டினுடைய அபிவிருத்தி, அபிலாசை அதே போன்று, நாட்டின் இஸ்திரத் தன்மையைப் பாதுகாப்பதற்கான எந்தவொரு சிந்தனையையும் தலைவர்களின் இனவாத பேச்சுக்களின் மூலமாக மக்களை பிரித்தாளும் அரசியல் கட்சித்தலைவர்களால் சோரம் போகின்ற நிலைப்பாடு கடந்த காலத்திலேயே அந்த ஜனாதிபதித்தேர்தலின்போது தமிழ், முஸ்லிம் மக்களுக்கு ஏற்பட்டது என்கின்ற ஒரு துரதிஷ்டவசமான விடயம் இருக்கின்றது.

தமிழ், முஸ்லிம் மக்களுடைய வாக்குகளை சர்வதேச மயப்படுத்துவதற்கான அல்லது சர்வதேசத்தின் மத்தியில் மகிந்த ராஜபக்ச தரப்பினருக்கான எதிர்ப்பை வெளியிடுவதற்கான உறுதியாக இனவாத, மத ரீதியான சிந்தனை அடிப்படைவாத சிந்தனையுள்ள கட்சிகளிடையே தலைவர்களுடைய ஏற்பாடுகளுக்கு இந்த முஸ்லிம், தமிழ் சமூகம் பலியாகி இருக்கின்றது.

எனவே, இவ்வாறான சூழலில் சமூகத்தை தோற்கடித்து தலைவர்களும் தோற்று வருகின்ற கட்சியை நிச்சயமாக தமிழ், முஸ்லிம் மக்கள் விரும்பக்கூடாது எனக்குறிப்பிட்டார்.



Comments are Closed