Main Menu

வருமானம் குறைந்த மாணவர்களுக்கு கிழக்கு சமூக அபிவிருத்தி நிறுவனம் உதவி

இந்த செய்தியைப் பகிர்க >>>

எஸ்.எம்.எம்.முர்ஷித்
குறைந்த வருமானம் பெறுகின்ற குடும்பங்களிலுள்ள பாடசாலையை விட்டு இடைவிலகிய மாணவர்களை மீளச்சேர்த்து அவர்களின் கல்வியினை மேம்படுத்தும் வகையில் கிழக்கு சமூக அபிவிருத்தி நிறுவனத்தினால் மட்டக்களப்பு மாவட்டத்தில் பல்வேறு வேலைத்திட்டங்கள் முன்னெடுக்கப்பட்டு வருகின்றது.

அந்த வகையில், ஓட்டமாவடி பிரதேச செயலாளர் பிரிவில் குறைந்த வருமானம் பெறும் மாணவர்களுக்கு மூன்று மாதங்களுக்கொரு முறை பணம் வழங்கும் நிகழ்வு செயலகத்தில் இடம்பெற்றது.

ஓட்டமாவடி பிரதேச செயலாளர் ஏ.சி.அஹமட் அப்ஹர் தலைமையில் நடைபெற்ற நிகழ்வில், சிறுவர் உரிமைகள் மேம்பாட்டு உத்தியோகத்தர் எம்.எச்.சபூஸ் பேகம், மகளிர் அபிவிருத்தி உத்தியோகத்தர், கிழக்கு சமூக அபிவிருத்தி நிறுவன உத்தியோகத்தர்கள் எனப்பலர் கலந்து கொண்டனர்.

இதன் போது, இடைவிலகிய மாணவர்களை மீளச்சேர்த்து அவர்களின் கல்வியினை மேம்படுத்தும் வகையில் ஓட்டமாவடி பிரதேச செயலாளர் பிரிவில் மூன்று மாதங்களுக்கொரு முறை 2500 ரூபாய் பணம் இருபத்தைந்து மாணவர்களது பெற்றோருக்கு வழங்கி வைக்கப்பட்டது.

இந்த செய்தியைப் பகிர்க >>>


Comments are Closed