விளையாட்டுச் செய்திகள்

யூத் ஸ்டார் விளையாட்டுக்கழகத் தலைமைப்பதவிலிருந்து முன்னாள் பிரதேச சபை உறுப்பினர் ஐ.எல்.பதுர்தீன் இராஜினாமா

எம்.ஐ.லெப்பைத்தம்பி கோறளைப்பற்று மேற்கு ஓட்டமாவடி பிரதேச சபை எல்லைக்குட்பட்ட மீராவோடை மேற்கு வட்டாரத்தில் இயங்கி வரும்   யூத் ஸ்டார் விளையாட்டுக்கழகத்தின் தலைமைப்பதவிலிருந்து இராஜினாமாச் செய்வதாக முன்னாள் பிரதேச சபை உறுப்பினர் ஐ.எல்.பதுர்தீன் Thehotlinelk க்குத் தெரிவித்துள்ளார்.

இது தொடர்பில் அவர் எம்மிடம் தெரிவிக்கையில், கடந்த காலங்களில் யூத் ஸ்டார் விளையாட்டுக்கழகத் தலைவராகச் செயற்பட்டு வந்த நான் இன்று 21.03.2020ம் திகதியுடன் நான் இதுகாலவரை வகித்து வந்த கழகத்தின் தலைமைப்பதவியையும் கழகம் சார்பாக நான் வகித்த பொறுப்புக்களையும்  எனது தனிப்பட்ட காரணங்களுக்காகவும் வியாபார நோக்கங்களுக்காக அடிக்கடி வெளிநாடு செல்ல வேண்டியுள்ளதாலும் தொடர்ந்தேர்ச்சியாக குறித்த பதவியில் நீடிக்க முடியாத நிலையினால் தற்காலிகமாக இராஜினாமாச் செய்கின்றேன்.

இதுகாலவரை கழகத்தின் வளர்ச்சிக்காகவும் முன்னேற்றத்திற்காகவும் எனது சக்திக்குட்பட்டு என்னால் முடிந்த முழுப்பங்களிப்பையும் செய்துள்ளேன். கழகம் பல்வேறு அடைவுகளைப் பெற நானும் ஒரு அங்கமாக இருந்துள்ளேன் என்பதையிட்டு பெருமையடைகின்றேன்.

தலைமைப்பதவியில் நீடித்து இயங்க ஒத்துழைப்பு வழங்கிய கழகத்தின் நிருவாகிகள், அங்கத்தவர்கள், விளையாட்டு வீரர்கள் அனைவருக்கும் மனப்பூர்வமான நன்றிகளைத் தெரிவித்துக்கொள்கிறேன்.

கடந்த காலங்களில் கழகம் பெற்றுக்கொண்ட வெற்றிகளுக்கு காரணகர்த்தாக்களுக்கு நன்றிகளையும் பாராட்டுக்களையும் தெரிவிப்பதோடு, எதிர்காலத்திலும் கழகம் பல்வேறு விளையாட்டு ரீதியான வெற்றிகளைப் பெறுவதற்கும் சமூக நலப்பணிகளில் ஈடுபடுவதற்கும் எனது மனமார்ந்த வாழ்த்துகளைத் தெரிவிக்கின்றேன்.

எனது இராஜினாமாவினை ஏற்றுக்கொண்டு திறமையுள்ள, கழகத்தைச் சிறப்பாக வழிநாடாத்தக்கூடிய புதிய தலைவர் ஒருவரைத் தேர்வு செய்து கழகச்செயற்பாடுகளை முன்னெடுக்குமாறு கேட்டுக்கொள்கிறேன் என முன்னாள் பிரதேச சபை உறுப்பினர் ஐ.எல்.பதுர்தீன் மேலும் தெரிவித்துள்ளார்.