பெருநாள் வாழ்த்து

ஜனாஸா நலன் மற்றும் சமூக சேவைகள் அமைப்பு (கோறளைப்பற்று மேற்கு) தலைவர் விடுத்துள்ள புனித நோன்புப்பெருநாள் வாழ்த்துச்செய்தி

கொரோனா வைரஸின் தாக்கத்தினால் உலகம் முழுவதும் பல இலட்சக்கணக்கான மக்கள் பாதிக்கப்பட்டும், உயிரிழந்துமுள்ள இக்காலப்பகுதியானது முஸ்லிம் மக்களுக்கு சோதனைமிக்கதொரு காலமாக அமைந்துள்ளது. சோதனை என்பது முஸ்லிம் சமூதாயத்திற்கு ஒரு புதிய விடயமல்ல. அல்லாஹ்வின் சோதனைகள் மூலமாகவே இச்சமூகம் ஈமானில் உறுதிப்படுத்தப்படுகின்றது.

எனவே, பள்ளிவாயல்கள், வர்த்தக நிலையங்கள் பூட்டப்பட்ட நிலையிலும் ஊரடங்கு நிலைக்கு மத்தியிலும் புனித ரமழான் நோன்பினை நோற்று தங்கள் வீடுகளில் குடும்ப சகிதம் வணக்க வழிபாடுகளில் ஈடுபட்டு இன்று புனித நோன்புப்பெருநாளைக் கொண்டாடும் இலங்கை வாழ் ஈமானிய நெஞ்சங்கள் அனைவருக்கும் எமது ஜனாஸா நலன் மற்றும் சமூக சேவைகள் அமைப்பு (கோறளைப்பற்று மேற்கு) சார்பாக புனித நோன்புப்பெருநாள் வாழ்த்துக்களைத் தெரிவிப்பதில் மிகவும் மகிழ்ச்சியடைகின்றேன்.

மேலும், எமது இலங்கைத் திருநாட்டில் கொரோனா வைரஸினைக் கட்டுப்படுத்துவதில் சிறப்பான திட்டங்களை உரிய காலத்தில் அமுல்படுத்தி அயராதுழைத்து வரும் அதிமேதகு ஜனாதிபதி அவர்களுக்கும், சுகாதாரத்துறையினர், முப்படையினர், பொலிஸாருக்கும் பொது மக்களுக்கும் நன்றியினையும் வாழ்த்துக்களையும் எமது அமைப்பு தெரிவித்துக்கொள்கின்றது.

இவ்வண்ணம் அல் ஹாஜ் ALM.முஸ்தபா (சிறாஜி) தலைவர், ஜனாஸா நலன் மற்றும் சமூக சேவைகள் அமைப்பு (கோ.ப.மே)